Ukiuunerani assakaasorineqartartut aningaasartuutaasaqaat

Biiliutillit arlalissuit ikkussuereerput, sulilu arlallit assakaasuminnik taarsiisussaapput. Tamakkuli asfaltimut nungullarsaataasorujussuupput.

Vinterdæk slider de mest trafikerede veje i Nuuk med 2-3 centimeter hvert år.

Biilinik iluarsaasarfinni ulapaartussanngussapput biili assakaasuisa assakaasui ukiuunerani atortakkanut saviminertalikkanut Kalallitr Nunaanni atorneqarnerpaajusunut taarsersuineqalerpat. Dækkit saviminertallit aqqusinerni biilernermut isumannaanerpaajugaluarlutik atuineq akisuujuvoq.

– 5 millioner kronit atorlugit aasaq manna aqqiserngit suliarisimavagut. Assakaasunik saviminertalinnik atuineq peqqutigalugu aqquserngit suliarinerinut 2-3 millioner kronit atorsimavagut, Nuup Kommuneani attaveqaatinut avatangiisinullu ingerlatsivimmi immikkoortortami pisortaq Stanislaw Waclawik Sermitsiaq.gl-imut oqarpoq.

– Biilerpassuit pingaartumik aqqusinermi Nuup Nuussuullu akornanni aammalu Aqqusinersuarmi nungullarsaataanerpaapput, aqquserngit taakku ukiut tamaasa 2-3 centimeterinik nungullartarput, Stanislaw Waclawik oqarpoq.

Ilaat immaqa isumaqarput, silap kiannerullernerata taamalu sivikinnerusumik aputeqartalernerata aqquserngit siusinnerusumut sanilliullugu nungullartiternerulersimagai.

– Uanga nammineq nassuiaat taanna upperivallaanngilara. Nuummi aqqusinerni atorneqarnerpaajusuni aputikittartuararsuuvoq, angallattorpassuit peqqutigalugit aput piialertorluni asfalti nuisarami, Stanislaw Waclawik oqarpoq.

Illoqarfiit amerlanersaanni assakaasut saviminertallit atorneqalereerput, Nuummilu taamaaliuliivissapput. Nuummi politeeqarfimmi kommisæri Bent Heisselberg Sermitsiaq.gl-imut ilisimatitsivoq, piffissami majip aallaqqaataanniit septembarip 30-ita tungaanut ukiuunerani assakaasut atorneqaqqusaanngitsut, biilinut atortut pillugit nalunaarut naapertorlugu.

– Assakaasut ukiorsiutit oktobarip 1-ianiiit maajip 1-iata tungaanut atorneqarsinnaapput, ukiorsiutinullu nuunniaraanni assakaasut tamarmik taarserneqassapput, Bent Heisselberg erseqqissaavoq.

Powered by Labrador CMS