Piginneqatigiilluni inissiat inissianit nutaanit amerlanerpaapput
Inissianit 225-init siorna sananeqartunit 98 piginneqatigiilluni inissialiornermik aaqqissuussamit aningaasalersorneqarput, taanna maanna Kalaallit Nunaanni aningaasaliisarnermi nuimanersaanngorsimavoq.
Tamanna paasissutissatut saqqummersitami ”Inissiat sanaartorneqartut 2006-imilu inissiat 2006”, Kalaallit Nunaanni Naatsorsueqqissaartarfimmit internetikkut nittartakkamini www.statgreen.gl-imi saqqummerseqqammigaani takukneqarsinnaavoq.
Nuummi sanaartukkat pingajoqarterutingajaannik sanaartorfiusimavoq, tassa inissiat 81-it. Sisimiut inissianik sanaartorfiunerpaat aapparaat 2006-imi inissiat 49-llutik, Ilulissallu pingajuupput, inissianik 32-inik nutaanik sanaffiusimagami.
Inissianik ukiumut sanaartortarneq ukiuni kingullerni aalaakkaasumik 200-it missaanniittarsimavoq.
Piginneqatigiillunik inissiaateqarnermik aaqqissuussaq aningaasalersueriaasiuvoq, taakkunannga 7 pct.-it nammineq akiligassaallutik, 33 1/3 namminersornerullutik oqartussanit kommuninillu akilerneqarlutik sinnerilu 25,33 pct. taarsigassarsiniartarfimmit realkredit-imit aningaasalersorneqartarlutik.
2007-imi januaarip aallaqqaataani nuna tamakkerlugu inissiat tamakkerlutik amerlassuseqarput 22.075. Taakkunannga 83,6 pct.-ii illoqarfinniipput, 16,4 pct.-tii nunaqarfinniillutik.