"Kina imminorusuppa?"
Niviarsiaqqap arfineq pingasunik ukiullip inuunini qatsuppaa. Aanakkui qanoq iliuusissaaruttut arlaleriarlutik isumaginnittoqarfimmut saaffiginnittarsimapput, oqaloqatiginissaanulli ulluni arfineq pingasuni utaqqisissimallugu
– Kikkut imminorusuppat, niviarsiaqqap arfineq pingasunik ukiullip illuni nukappiaraq meeraqatinilu marluk aperai.
– Sooq, illuata aperaa.
– Inuunera qatsukkakku - imminorusukkama, niviarsiaraq akivoq.
Niviarsiaqqao aanakkui tamakku pissutigalugit Ilulissani isumaginnittoqarfimmut saaffiginnipput.
Aanaajusup uia niviarsiaqqat aatagivinngilaa, »aataasamilli« taaneqartarpoq, taannalu Ilulissani isumaginnittoqarfimmmut saaffiginnippoq oqarfigineqarlunilu oqaloqatiginninnissamut piffissamik inniminniisinnaasoq. Saapatillu akunnera ataaseq qaangiuppat aatsaat oqaloqatiginninnissamut piffissalerneqarsinnaalluni. Aanakkuusut aarlereqalutik qanoq iliuusissaarupput, erngutartik ikiorsinnaanagu.
– Niviarsiaraq arfineq pingasunik ukiulik inuunerminik qatsussilluni imminorusuttoq ikiorneqartariaqanngila? aanakkui aperipput.
?Ilulissat kommunianni isumaginnittoqarfimmi pisortaagallartup Malene Biilmannip suliassat ataasiakkaat oqaaseqarfigiumanngilai, niviarsiararlu imminornissamik sioorasaarisoq saaffiginnissutigineqarmat pinasuartumik iliuuseqarsimanerlutik oqaaseqarfigisinnaanagu.
– Oqarsinnaavungali suliassaq ingerlanneqartoq, Sermitsiamut oqarpoq.
Sermitsiaq aviisimi atuarnerugit