Angutit nuannarinnittut perusuppallaalaartut
Julie ilaqutai ikingutaalu qaninnerpaat angutinit nuannarinnitsiminit sianerfigineqartarsimapput, isumaqarlutik namminneq Juliemut aappassatut naleqqulluartuullutik. Julieli naleqqulluartumut piumasaqaateqarpoq: Meerassai Kalaallit Nunaanni alliartussapput.
Pinnersuullunilu pinnarineqarneq inuttut ilungersunarsinnaavoq. Kalaallip erinarsortartup Julie Berthelsenip ikinngutai angutinit nunannarinnittunit erinarsortartumut inequnartumut attaveqarusuttunit sianerfigineqartarsimapput.
–Malussoriarlunga misigisimavara, nuannarinnittut ilaat qaninniarpallaalersut. Taakku ilaat ikingutiginerpaasannut ulluinnarnilu ilagisartakkannut sianertarsimapput, attaviginiarlunga imaluunniit immikkut ittumik tuniniarlunga, Julie oqarpoq.
Angutit nuannarinnittut Juliemut toqqaannartumik attaveqarsimanngillat, taamaakkaluartoq nuanniissimavoq.
–Anguit tv-kut aviisitigullu taamaallaat ilisimagaluarlunga uagut marluulluta tulluariittugut oqarsinnaanerat amiilaarnalaarsinnaavoq. Tassani annilaangalersinnaavunga, Julie Berthelsen oqarpoq, qiiaammerlunilu.
Julie Berthelsen junimi assammik arsartartoq ukiunilu sisamani angutaatigisimasaalu Hans Peter Motzfeldt aappariinnerat ajutoormat niviarsianngorpoq. Angummut Juliemik aappaqalersussamut immikkut ittumik piumasaqaateqareerpoq.
¬–Ilaanni meerartaassaguma Kalaallit Nunaanni ukiuni aalajangersimasuni peroriartornissaat kissaatigaara. Uannut pingaaruteqarpoq meeqqama uanga peroriartorfigisimasanni aamma peroriartornissaat. Taamaalillutik oqaatsit kulturilu aamma pigilissammatigit, taamak erinarsortartoq tusaamasa pinnarineqarluartoq Julie Berthelsen oqarpoq.