Nuuk Imeq-up kingunissat ernummatigai
– Akitsuutinut akuersissut nioqqutissiortunut ajoqqutaasoq, taamaasillunilu nioqqutissiat nunanit allaniit tikisinneqartartut annertunerulissallutik, Nuuk Imeq isumaqarpoq
- Akitsuutissanut akuersinerup kinguneriumaarpaa Nuuk Imeq-up nioqqutissianiit akitsuutigineqartartut qaffannerisigut Taamaasilluni malunnarsivoq nioqqutissiat Nuuk Imeq-miit ukiumut kaaviiaartinneqartartut akitsuutit ilanngunnagit 150 millionit missaanniitut akitsuutit eqqunneqarnerisigut apparujussuarumaartut, saniatigullu nioqqutissiorsinnaanermut iluanaaruteqarniarsinnaanermulu apparsaajumaartut.
- Imeruersaatinut sukkulinnut naleqqiullugu akitsuutimut kukkussutitut pingaarnerit marluk:
1)Siullertut, akitsuutip imeruersaatit sukkoqanngitsut sukkulittulli eqqorneqassaput, akialu 22% -ingajammik akitsussalluni.
2)Aappaatut, imeruersaatit tikisitat sukkoqarluartut kulsyreqanngitsut eqqorneqassanngimmata akitsuutinut akuerisaq malillugu, taamaasilluni pisisartut tamakkununnga pisisalernissaaat ilimanarluni, taakuli sukkoqanngitsunut naleqqiullugit peqqinnissap tungaatigut peqqinnannginerullutik.
- Taakku saniatigut ajornartorsiuteqarpoq allamik, suliffeqarfissuit atorlugit sukkunik atuisartut imeruersaatiliorfiit, saftiliorfiit iffiorfiillu tamarmik Kalaallit Nunaannitut akitsuuserneqarput, saniatigullu nioqqutissat assingi tikisittakkat, soorlu Danmarkimeersut akitsuuserneqassanngitsut.
- Nalilerneqarsinnaavoq Inatsisartut akitsuutimut akuersissutaat Kalaallit Nunaani nioqqutissiortunut ajoqqutaasoq, tammaasillunilu nioqqutissiat nunanit allaniit tikisinneqartartut annertunerulissallutik.
- Neriuutiginngilarput anguniarneqarsimassasoq unammillerniarnerup iluaqutissartai tikititsisartunuinnaq iluaqutissatut aaqiiffiginiarneqarsimasoq, tassami akitsuutinut inatsit maannakkorpiaq taamatut paasisariaqarmat. Inatsisartut inakkusuppagut qaninnerpaamik allannguutissamik oqimaaqatigiinerusumik peqqinnissamullu ajunnginnerusumik aaqqiisuteqaqqullugit, Nuuk Imeq-up siulersuisui nalunaarput.