Angerlarsimaffeqanngitsunut init
Kommunip kissaanni, tassalu angerlarsimaffeqanngitsunut inigitinneqarallartarfissamik pilersitsinissani piviusunngortikkaluttuarpaa
Kommunip inissiaaleqatigiiffiata Iserip Tuujummi inissiaatimi ilaanik ataatsimik marlunnilluunniit angerlarsimaffeqanngitsunut inigitinneqarallarfiusinnaasunik immikkoortitsiniarpoq, inissiat naleqquttut piareeriarpata iserterfigineqassallutik. Inunnik isumaginnittoqarfiup tamatumunnga suliaqartitaat inissianik tunineqariarunik inissiat siunertamut aaqqissuutissavaat.
Kommunip inunnik isumaginnittoqarfia pilersaarummik nassuiaasiorsimavoq, inigitinneqarallartarfiusut iserterfigineqariarpata atulersussamik. Pilersaarutip siunertaa naapertorlugu angerlarsimaffeqanngitsut unnuisarnissaannut ammatitsisoqartassaaq. Inunnik isumaginnittoqarfiup inigitinneqarallartarfik suleqatigalugu angerlarsimaffeqanngitsut ataasiakkaarlugit siunissaat misiligutaasumik pilersaarusiuussisassaaq