Nakkaateqqajaalersoq
TV-kut aallakaatitassiami Kalallit Nunaat inuuniarnikkut inuttullu annertoorujussuarmik ajornartorsiuteqarnerit pissugialugit nakkaateqajaalersoq takutinneqarpoq. Aallakaatitassiami politikerit saqqummerlutik oqarput aamma taamak ajortiginngitsoq.
DR-ip pingasunngorpat oktobarip 24-iani Kalallit Nunaat pillugu piviusulersaarut ulloq taanna aamma KNR-imit nal. 18.30 aallakaatinneqartussaq takutissavaa.
DR-ip internettimi quppernerani piviusulersaarutip imaata nassuiaataa atuarneqarsinnaavoq:
“Inuusuttorpassuit nunartik oqaatsit soorlu pissaanermik atornerluineq, peqquserlulluni akilersittarnerit aammalu kammalaatigiiaanneq atorlugit nassuiaasersorpaat.
Imigassamik aalakoornartulimmik atornerluineq, meeqqat sumiginnakkat, meeqqanik pinngitsaalilluni peersitsinerit, imminornerit aammalu atugassiutitigut atornerluinerit Kalallit Nunaanni ulluinnarni atugaapput.
Aallakaatitassiami ilaatigut aamma Lars-Emil Johansen oqaloqatigineqarpoq:
“ Taanna Kalaallit Nunaanni inuiaat ineriartornerani qitiusumik inissisimavoq. Lars-Emilip nassuerutigaa kalaallini inuiaqatigiinni ikioqatigiissinnaassuseq ukiuni kingullerni tunulliunneqarsimasoq, isumaqarlunili aamma taamak ajortiginngitsoq. Taanna erseqqissumik takorluugaqarpoq:
- Pituttorsimajunnaarneq. Kiffaanngissuseqarneq. Kalaallit inuiaat qallunaat nunanut allanut ministeriaqarfianit ingerlatamik naalagarsiuinnarnermiit kiffaanngissuseqarnerulernissaata qulakkeernissaa, qallunaat kalaallit nammineerluta eqqarsarsinnaanngitsutut akerlileeriarsinnaanngitsutulluunniit pissusilersorfigisimavaatigut, Lars-Emil Johansen aallakaatitassiami oqarpoq.
Aaqqissuisuusut isumaqarput inuit sassartillugit oqalutsinniartarneri ajornakusoorsimaqisoq. Qununngitsut ilaat inuiaqatigiinnik isornartorsiuerusussinnaasoq tassaavoq Michael Binzer, Air Greenlandimi pisortaq.
Aallakaatitassiami Kalallit Nunaanni kammalaatigiiaanneq tassuunakkullu ikioqatigiinneq annertuumik atorneqartoq oqaluuseraa.?
“- Ila, siulersuisunut ilaasortassanik toqqaasarneq. Kalallit Nunaanni quiasaarutaavoq inuit piginneqatigiiffissuarnut toqqarneqartartut ilarpassui tassapput naalakkersuisunut sukkulluunniit issiasuusunut tunngatillugu naapertuuttunik politikkillit, Michael Binzer oqarpoq.”