Hotel Nuuk tunineqarpoq
Akia: Koruunit 38 millionit Helene aamma Svend Jungep aningaasaateqarfianut nakkartinneqartussat.
Kalaallit Nunaanni Namminersornerullutik Oqartussat Hotel Nuuk 38 millioner koruunilerlugu pisiareqqammerpaat.
Tuniniaasut tassaapput »Helene aamma Svend Jungep siunertanut iluaqutissanut aningaasaateqarfiat«, tunisinermilu aki tamarmiusoq aningaasaateqarfiup tunngaviusumik aningaasaataataanut nakkassapput.
Kalallit Nunaanni Namminersornerullutik Oqartussat Hotel Nuuk nakorsianut uninngagallartarfittut atorniarpaa, Dronning Ingridip Napparsimmavissuani nakorsiat uninngagallartarfissaat nutaap naammassinissaata tungaanut.
Tamatuma kingorna hoteli ilinniartunut inissianngortinneqassaaq.
Nuup Kommuniata aamma hoteli pisiarerusussimagaluarpaa, illoqarfiup nammineq inuusuttortaannut atugassanngortinniarlugu, kisianni kommunip neqeroorutai 32 millioner kronit namminersornerusunit 38 millioner kronenik akileerusussimasunit qaangerneqarsimavoq.
Namminersornerusut 38 millioner kroneílerlugit pisiaraat 2.107 kvadratmeteri, imaqarluni Torvecafé, saaffiginnittarfik, hotelimi init 48-t, allaffiit kiisalu init oqaloqatiginnittarfiit.