Benziina gasoliamik akuneqartoorsimasoq
Nuummi Orsiiviup tankia kukkuluttornikkut gasoliamik immertoorneqarsimavoq.
Annonce
Benzinamik nioqquteqarneq arfininngornerup ullaatungaa unitsinneqarpoq, paasineqarmat benziina gasoliamik akuneqarsimasoq.
Tankit salinneqapallapput, ilimagineqarporlu sapaammi ullaatungaa benziina ammaqqikkumaartoq.
Tallimanngormat septembarip 14-ianni nal. 18.30-ip kingorna orsersimasut Orsiiviup pisortaata Claus Hjelmelandip kajumissaarpai umiatsiaminni tankitik nalunartut pillugit imaassagaat, avalalinnginnerminnilu nutaamik orseqqullugit.
Tamatuma nalaani orsersimasut pisinermut uppernarsaat takutillugu akeqanngitsumik orseriartorsinnaasut Orsiivik nalunaarpoq.