Ilinniarfik aatsitassarsiornermut piareersarpoq
Sisimiuni Sanaartornermik Ilinniarfik pikkorissaanernik arlalinnik aallartitsilerpoq, qaarusunni sulilersussat piareersimaqqullugit.
Kalaallit Nunaanni aatsitassarsiorneq sulisorpassuarnik pisariaqartitsissaaq, ataasiaannaranilu apeqquserneqartarpoq nunarput nammineerluni aatsitassarsiorfinni sulisoqartitsinnaanersoq.
Aatsitassarsiorneq iluanaarfiussappat pikkorissartitsisarnissat pisariaqarput. Sanaartornermik Ilinniarfik pikkorissartitsisassalluni maannakkut piareersaleruttorpoq, sulisussat piareersimatinniassallugit.
-Aatsitassarsiorneq eqqummaariffigiartorparput, aatsitassarsiornermi suliaqartut tamatumunnga tunngasumik ataatsimiititaliatsinnut aamma ilaasortaalersippagut, pisortaq Jokum Møller oqarpoq.
Pikkorissarnerit ilaat tassaapput oqaatsinik annertusisamik pikkorissaanerit.
-Tassaannguatsiarpoq suliassatta annersaasa ilaat, pikkorissartut oqaatsinik assigiinngitsunik akisussaaffilimmik atuilersinnaatilernissaat. Oqaatsinik atuilluarsinnaaneq isumannaallisaanermi pisariaqartinneqartorujussuuvoq, pisortaq Jokum Mølller KNR-imut oqarpoq.