SAS-ip nunatsinnut timmisartuussisarnini unitsiinnalerpai
Timmisartut DASH400-it timmeqqusaajunnaarnerisa kingunerisaanik SAS-ip nunatsinnut timmisartuussisarnini unitsittussanngorpai.
DASH400-it Aalborgimi Vilniusiulimilu ajutoornerisa kingunerisaannik timmisartut taamaattut timmisartuusseqquneqarunnaarput.
SAS timmisartuutileqatigiinnit allanit ikioqqulluni maannakkut sulissuteqarsuataarpoq, SAS-ip timmisartuussisarfiisa ilaannik angallassisinnaaqqulluni, taamaalilluni timmisartut aalajangersimasumik timmisartuussisut allanut angallassisinnaalersinnaassallutik. SAS-llu timmisartuussisarfini misissoreerlugit aalajangerpoq Kangerlussuarmut ukioq manna timmisartuussisarnini unitsinniarlugu.
SAS aasaannakkut Kalaallit Nunaannukartitsisarpoq, septembarilu naallugu timmisartuussiffigisussaagaluarpaa. SAS-p timmisartut Kalaallit Nunaannukartittakkani Airbus 319-it marluk sumiiffinnut allanut timmisartuussisunngortissallugit aalajangerpoq. Taamalilluni SAS aatsaat aappaagu Kalaallit Nunaannukartitseqqittalissalluni.
SAS-ip sapaammi, ataasinngornermi marlunngornermilu timmisartuussinissat 188-it unitsiinnartariaqarsimavai.