Seqineq silaannarissaasiullugu
Borgmester Simon Simonsenip seqerngup qinnguaanit silaannarmillu milluaasunik kommunip allaffia angerlarsimaffinilu silaannarissartittarpai.
Atuarfimmi pisortaasimasoq Arne Kyed Qaqortoq seqerngup qinnguaanit silaannarmillu milluaasunik kommunimut maannakkut nioqquteqartarpoq. Seqerngup qinnguaanit silaannarmillu milluaasup illup ilua akeqanngitsumik kiassarsinnaavaa silannarissisillugulu. Silaannarissisitsisartorujussuuvoq inunnut peqqinneqartuulluni illunullu aamma peqqinnartuutsilluni. Taamaattut 100t Kujataani tunineqareerput ilaatigut lejrskolemi, telep katersugaasiviani qatserisarfimmilu atorneqarlutik.
Borgmester Simon Simon kommunip allaffiani aamma atorneqartussanik pisisimavoq, sulisunit kialaartitsinera panertumillu silaannaqartitsiuarnera iluarisimaarneqaqaluni. Silaannaq taarserartuarpoq. Siunnersuuteqarporlu seqerngup qinnguaanit silaannarmillu milluaasut atuarfimmi meeqqerivinnilu aamma atorneqalissasut, sanaartukkat iluarsaanneqarnerannut atatillugu ikkussuussisoqassalluni. Angerlarsimaffimmini taamaattumik peqarpoq.
- Nuliara astamartuuvoq taamaammat silaannarititsiuarnera iluarisorujussuaa, borgmesteri nassuiaavoq.
Sermitsiami allaserisaq atuarsinnaavat