Uummalluttut immikkut ilisimasaqarluartunit misissorneqartarput
Dronning Ingridip Napparsimavissuani uummammikkut misissortissimasut paasissutissartaat Rigshospitalimut aalajangersimasumik nassiussutikkut ingerlateqqinneqartarput. Taamalilluni kalaallit kunngeqarfimmi immikkut ilisimasaqarnerpaanit misissorneqartarput.
Dronning Ingridip Napparsimavissuani uummammut misissuut Rigshospitalimut aalajangersimasumik attaviligaavoq. Misissuut tassaavoq nipip maligaasai atorlugit uummammik misissuut; uummatit ineraasa angissusaannik uuttuisinnaasoq, soorlu aamma uummatip ukkuaasa aalaneri aamma uuttorsinnaagai. Assilissat qaammataasakkut nassiussat 3.000 kilometeritut ungasitsigisumiittunit immikkut ilisimasalinnit misissorneqarsinnaasarlutik nassuiaassersorneqartarlutillu.
- Maani nakorsat amerlasoorsuunata sorpassuit suliarisinnaasarpagut, suullu tamaasa immikkut ilisimasaqarfiginnginnatsigit katsorsarniakkagut pillugit Københavnimi nakorsaqatitsinnik oqaloqateqarsinnaanerput iluaqutaaqaaq. Ilaannikkut siunnersorneqartanerput iluaqutigisartorujussuuarput aammali suleqatigiissuteqartarnerput iluaqutaaqaluni, Dronning Ingridip Napparsimavissuani nakorsaaneq, Allan Galvan www.dagensmedicin.dk-mut oqarpoq.
- Taamalilluta Danmarkimi immikkut ilisimasaqarnerpaanik suleqateqarpugut.
Danmarkimit immikkut ilisimasalinnit suleqateqarneq pitsaaqquteqarpoq: Misissortinneqartussaq piffissaajarnaqisumik akisoqisumillu ataasiaannartumik misissortissalluni Danmarkiliartariaqarnissani pisariaaruppaa.
Fordelen ved at få hjælp fra eksperterne langt fra Grønland er oplagt: Det undgås, at patienten skal tage en tidskrævende, og for det grønlandske samfund dyr, flyrejse til Danmark, blot for en undersøgelse.