Umiarsuit takornariartaatit amerligaluttuinnarput
Aappaagu umiarsuit takornariartaatit amerlanerusut Kalaallit Nunaannut tikissapput
Tassa umiarsuarnik takornariartaatinik takutitsinerup Sea Trade Hamburgip inernera, tassani kalaallit sinniisui peqataaqqammerlutik. Taamatut oqaluttuarpoq knr.gl.
Aappaagu tyskit umiarsuaatileqatigiiffiat AIDA Cruises siullermeersumik Qaqortumut umiarsuarmik takornariartaammik tikisitsissaaq.
Umiarsuaatileqatigiiffiup Princess Cruises-ip umiarsuaq nutaaq Nanortalimmukartillugu Qaqortumukartissavaa.
Japanimiullu umiarsuarnik takornariartaatinik takornariartitsisartui neriorsuipput takornarianik 1000-inik tikisitsissallutik.
Hamburgimi takutitsinermi peqataapput Destination South Greenland, Qaqortoq Turist Forening, Nuuk Tourism, Kangerlussuaq Tourism, Destination Disko, Royal Arctic Line aamma Kalaallit Nunaanni Takornariaqarnermut Inuussutissarsiornermullu Siunnersuisoqatigiit.