Kujataani meeqqat akornanni TB tuniluuppoq
Narsami aamma Nanortalimmi meeqqat tallimaangaangata ataaseq tuberkulosemik tunillanneqarsimasarpoq, AG allappoq.
Kujataani meeqqat amerlaqisut tuberkulosimik (TB-mik) tunillanneqarsimasut peqqissaaviit misissuineratigut ersertoq AG allaaserisaqarpoq. Narsap aamma Nanortallullu peqqissaaviini 17 procentingajaavoq, imaluunniit meeqqat atuartut tallimaangaangata tallimaat TB-eqartarpoq.
Meeqqat taama amerlatigisut tunillanneqarsimanerat pillugu Naalakkersuisut aningaasaqarnermullu ataatsimiisitaliaq 3,3 mio. kroninik aningaasaliissuteqaqqipput. Meeqqat tuberkulosemik nappaalanngimmata tunillanneqarsimallutilli. Taamaakkaluartoq ukiuni kingullerni tallimani 2001-imiit 2006-imut meeqqat 62-it tb-mik napparsimalersimapput.
Kinguaariit marlussuit matuma siorna tuniluunneeq unitsivissorneqangajakkaluarpoq, maannali, illoqarfiit inuttusiartornertik malillugu nutarsarneqarnerat unikaallassimammat, takkuteqqilluni, AG allappoq.