Pujortartut niusitaapput
Arctic Umiaq Linep ikiaroornartumik cigaretsinillu pujortartut sukangasuumik iliuuseqarfigai.
Sarfaq Ittummut sapaatip akunnerani kingullerni ilaalluni Qaqortuliartoq ikiaroornartumik pujortarsimanini pissutigalugu Paamiuni niusitaavoq. Ikiaroorsimanini pissutigalugu Qaqortumut timmisartumik apuunnissi nammineerluni akilertariaqarlugu.
- Imertut ikiaroortullu sukangasuumik ilaasut allat eqqarsaatigalugit iliuuseqarfigisarpagut, AUL-ip pisortaa Jette Larsen Sermitsiaq.gl.-mut oqarpoq.
Ikiaroornartumik pujortarneq kisimi Arctic Umiaq Linep ilaasartaataani inerteqqutaanngilaq. Ilaasummi inaanni aamma pujortarneq inerteqqutaavoq, unioqqutitsinerlu akiligassinneqarnermik kinguneqartarpoq.
Tamannalumi ilaasut ilaata Paamiuliartup nassuerutigitsiaqaa, cigaritsit pujortagaata ilaasartaatip ilaasut initaata putsumut kalerrisaarutaa pingasoriarluni sapaatip akunnerani kingullermi kallerisaartilermagu. Ilaasoq Paamiunut niusitaavoq, inigisami eqqiarneqarnissaanut akiligassinneqarluni.