Lyngbymi kalaallit eqqumiitsuliaat
Assilissanik eqqumiitsuliortartoq Bolatta Silis-Høegh Lyngby Kunsforeningimi suliaminik nutaanik saqqummersitsivoq.
Bolatta Silis-Høegh aasaq inunngorfimmini Qaqortumi saqqummersitsivoq. Suliat Nørrebromi maannakkut najugaqarfiani sorpassuaqarneranit misigisaanit aallaaveqarput. Qaqortumiinnermi nalaani illoqarfimmit inunngorfimminit suliani Lyngby Kunstforeningimi saqummersippai. Tallimanngorpat suliarisimasai qallersorneqassapput, Det grønne Område, dgo.gk, allappoq.
Bolatta Silis-Høegh Qaqortumi 1981-imi inunngorsimasoq kalaallit eqqumiitsuliortuini kinguaarriinnut nutaanut ilaavoq, taassuma Kalallit Nunaanni ineriartorneq , illoqarfissuaq, nunarsuarmioqataaleraluttuinnarneq aammalu qanganitsat nutaallu akornanni avissaariartorneq annermik sammivaa, kalaallinut siusinnerusukkut eqqumiitsuliortunut kalaallit nunaanni pinngortitamik sammisaqarnerusimasunut sanilliullugu.
Bolatta Aka Høeghip ullumikkut kalaallit eqqumiitsuliortut saqqumilaarnerpaat ilaata panigisaa eqqumiitsuliortuussamaanngikkaluarpoq. Ilinniarnertuutut soraarummeernermi kingorna Københavnipo Universitetiani tuluttut ilinnialerpoq, kisiannili ukiup affaani eqqumiitsuliornermik ilinniarfimmi silaannarissarniaqqaarsimavoq, tuluttut ilinniarnermini nagguiit tuluillu oqaasiini grammatikernermi oqaaseqatigiit sammillugit issangusutullusooq misigisimagami.
Tuluttut ilisimatudsarnerup taamaatinnissaanut taamalu eqqumiitsuliornermut saannissamut aalajangernerneq pivoq Bolatta Silis- Høeghip 2006-imi Århus Kunstakademip titartaanermut qalipaanermullu ilinniarfiani ukiuni sisamani naammassigamiuk, nersualaarneqartunillu arlaleriarluni saqqummersitsisareersimalluni.