Praktikkerfissat iluatsilluartut
Kalallit Nunaanni Niuernermut Ilinniarfik ukioq manna praktikkerfissarpasuarnut piareersarpoq.
Kalaallit Nunaanni Niuernermut Ilinniarfiup ukioq manna atuartut ilinniartullu praktikkerpiffiminnik nassaareersimasut amerlasuut ilinniartuutigilisavai. Pingaartumik TNI-p iluani (Niuernermik Ilinniarfiup tunngaviusumik ilinniarfia) aamma Kalallit Nunaanni Ilisimatuunngorniarluni Iliniarfiup (NI-2) iluani kalaallit nunaanni inuussutissarsiornermik namminersortumik ingerlatsisut praktikkerfissanik amerlasuunik pissarsisimapput, Niiuernermik Ilinniarfik tusagassiutinut nalunaarummi ilisimatitsipput.
TNI-mut tunngatillugu suliffeqarfiit 48-t TNI-mi iliniartunut nutaanut pisiniarfilerinerup allaffissornerullu iluani praktikkerfissaqarnermik isumaqatigiissuteqarput. Suliffeqarninnit 48-sunit 26-it Nuummiipput, 5-t Maniitsumi Sisimiunilu 17-it. Kalaallit Nunaanni Niuernermut Ilinniarfimmi Ilisimatuunngorniarfimmi ilinniartut aatsaat taamak amerlatigisut - tassa 17-it praktikkerfissarsisimasut tiguneqarsimapput.
Niuernermik Ilinniarfimmit nalunaarut inuussutissarsiutitigut ilinniarfinnut allanut sanilliullugu allaavoq. Saviminilerinermut Ilinniarfimmi ilinniartunut siunnersuisartoq Ado Egede naapertorlugu ilinniartussatut qinnuteqartut 300-t sinnillit praktikkerfissaqannginnamik ilinniagassaminnik aallartitsisinnaanngitsut.
- Saviminilerinermut Ilinniarfimmi ilinniagassatut qinigassat assigiinngitsunut 30-nut qinnuteqartut 442-uupput. Qinnuteqartunit taakkunannga 83-it kisimik praktikkerfissarsisimapput, taamalu ilinniarnerminnik aallartissinnaallutik, Ado Egede KNR-imut oqarpoq.
Nuummiinnaq inuusuttut 51-it praktikkerfissaqannginnamik Saviminilerinermi Ilinniarfimmi aallartissinnaanngillat.