Iviangit atatiinnarneqatarlik
Iviangimikkut kræfteqartut tamarmik iviangeersinnginnissamut periarfissaqartariaqarput, peqqinnissamut ataatsimiititaliap siulittaasua, innuttaasut tamarmik napparsimalernissamut sillimmasertarnissaannik siunnersuuteqartoq oqarpoq.
?Peqqinnissamut ataatsimiititaliaq marlunngornermi oktoberip qulingiluaanni ataatsimiissaaq, pingaarnertut kræftimik nappaatillit qanoq iliornikkut pitsaanerpaamik suliarineqartarnissaat oqaluuserissallugu.
Iviangimikkut kræfteqartut Kalaallit Nunaanni iviangimik ataannartitsissutaasinnaasumik suliarineqarsinnaanngillat. Pissutsit ullumikkutut ikkallartillugit iviangeq tamaat peerneqartarpoq, ataasiakkaallu napparsimalernissamut qularnaveeqqutilinni suliffillit kisimik Danmarkimi napparsimmavinnut namminersortunut suliaritikkiartorsinnaasarput - taakkunanilu kræftip ersiutaa kisimi peerneqartarpoq, iviangerlu atatiinnarneqartarluni. Kalaallit Nunaannili iviangikkut kræftip qanorpiaq ittuunera paasineqarsinnaasanngimmat taamaaliortoqarsinnaasanngilaq.
– Kalaallit Nunaanni innuttaasut tamarmik napparsimalernissamut sillimmasersinnaasariaqarput, aningaasallu landskarsimit akilerneqartassapput, peqqinnissamut ataatsimiititaliap siulittaasua Vittus Mikaelsen, Siumut, ataatsimiititaliami ilaasortat tamarmik tapersersuinissaannik ilimaginnilluinnartoq oqarpoq.
Sermitsiaq atuaruk.