Upernavimmi niisarnamasut
Niisarnat 120-140-t inuussutissarsiutigalugu saniatigooralugulu piniartunit 40-nit pisarineqarput.
Sapaatip akunnerani kingullermi niisarnat 120-140-t Upernavimmit 20 kilometerinik avannarpasissusilimmi, Avssaqutap qeqertaaraani killerni pisarineqarput.
Martin K. Hjort niisarnat ilaannik pisaqaqataavoq.
– Niisarnat 120 aamma 140 akornanni amerlassusillit pisarineqarput. Ullunilu kingullerni marlussunni Upernaviup kangerluata kitaani niisarnanikj takusoqartarsimavoq.
– Piniarnerup kingorna pisat agguarpavut tamatta niisarnanik 3-5-inik pilluta, aammalu periarfissaqarsimavoq niisarnanik kivisimasunik nammineerluni tigusiniarnissamut.
– Inuussutissarsiutigalugu saniatigooralugulu piniartut piniarnermi 40-t missaanniissimavugut. Ilaat pisaqarfimmi pilapput allallu allani, soorluttaaq arlallit pisatik illoqarfimminnut/nunaqarfimminnut oqqukkaat tassanilu pilallugit, Martin K. Hjort oqarpoq.
Sermitsiaq atuaruk...