650.000-it Neriuffimmut

Kræftimik akiuiniarnermik peqatigiiffiup Neriuffiup sapaatiummat septemberip 30-ianni nuna tamakkerlugu katersuiniarneranut atatillugu 620.000 aamma 650.000 koruunit akornanni katersorneqarput.

Peqatigiiffiulli neriuutigaa sapaatip akunnerani 43-miit sapaatip akunneranut 49-mut Tele Greenlandip telefonikkut katersuineratigut suli 100.000,- koruunit katersorneqassasut, taamaasilluni peqatigiiffiup ukioq manna katersuiniarnermini anguniakkani 700.000 koruunit angussallugit. Taamatut tusagassiorfinnut nalunaarummini siulittaasoq Johanne Olsen allappoq.