Katillugit 1,3 millioner koruunit Neriuffimmut

Kræftimut akiuiniaqatigiiffik Neriuffik piffissami kingullermi katillugit 1,3 millioner koruunit katersorsimavai. Taakkunannga 570.000 koruunit KNR-TV-kkut aallakaatitsinersuarmi

Aallakaatitsineq tallimanngornermi unnukkut ingerlanneqarpoq, Ilimmarfimmit toqqaannartumik aallakaatinneqarluni radiop tv-llu ukiunik 50-inngorlugit nalliuttorsiornerannut atatillugu.

Qaammammilu kingullermi nuna tamakkerlugu katersuiniarnermi isertinneqarput 760.000 koruunit.

Neriuffiup siulittaasuata Johanne Olsenip aningaasarpassuit tunniunneqartut nuannaarutigai. Isumaqarporlu ukioq manna nappaassuup taassuma eqqartorneqarnerusimanera tapersersuinerujussuarmut pissutaasoq.

- Ilaatigut aamma Inatsisartut akueraat misileraalluni kræftimut katsorsartissinnaaneq, aamma ilaquttaminnik kræfteqalersimasumut Danmarkimilu katsorsartikkiartorsimasumut ilaqutaasut atugarisaat eqqartorneqangaatsiarsimapput, siulittaasoq erseqqissaavoq.

Aningaasat katersorneqartut ilaatigut atorneqassapput kræfti telefonikkullu siunnersorneqarsinnaanermut kalaallisut paasisitsiniaanissamut atorneqassapput, siulittaasoq oqarpoq.

Powered by Labrador CMS