Hotel Hans Egedemi igasut naalagaat soraalerpoq
2006-imi igasullammak, Jeppe Ejvend Nielsen, unammillertaanut Nipisamut nuussaaq
Annonce
Nuummi Hotel Hans Egededmi neriniartarfimmi Gertrud Raskimi ukiuni kingullerni igasuusimasoq nassaarniallaqqissoq Jeppe Ejvnd Nielsen soraartussanngorpoq.
Taanna decemberimi Gertrud Raskip unammillertaani Rune aamma Gitte Collinimi, nuutoqqami neriniartarfimmik Nipisamik ingerlatsisumi igasunngussaaq. Jeppe E. Nielsen isumaqarpoq atorfimminik nikinnermigut ineriartornissaminut periarfissaqarnerulluni.
– Ukiuni marlussunni nuannersumik Hotel Hans Egedemiissimavunga, piffissanngorporli nutaamik misiliinissaq. Kalaallit Nunaata pisuussutaani tupinnaannartuni pinngortitaanilu nalissaqanngitsumi suli atorneqarsimanngitsunik periarfissarpassuaqarpoq, Jeppe E. Nielsen Sermitsiaq.gl-imut oqarpoq.