Isumaqatiginninniarnissamut piareersimavugut
Pisortalli ataatsimeeqatigerusunngilaatigut, saqisut oqarput.
– Misigisimavugut pisortanit ataatsimeeqatigineqarusunnatta, saqisut sinnisaat, pingasunngornerup unnukkuanut ataatsimiinnertik ingerlatissallugu oqarpoq.
– Pisortat akissutituaat tassaavoq sulisoqarnermut eqqartuussivimmut tunniutissalluta, saqisut erseqqissaapput.
– Aaqqiagiinnginnerup angalarniartut 800-900-it eqqorpai.
Saqisut sulilerusupput pisortanit aatsaat ataatsimeeqateqareerunik.
Erseqqissaaneq:
Saqisut aningaasarsiatik erseqqissaavigerusutsippaat. Tusagassiorfinnut ima allapput:
” Ajuusaarutigisatsinnik siulittaasorput www.Sermitsiaq.gl.-mi aningaasarsiatta amerlassusaannik paatsuilertitsisinnaasumik issuarneqartoq atuarparput. Siulittaasorput issuarneqarpoq aningaasarsiagut tunngaviusumik qaammammut 16.000 koruunit 25.000 korunillu akornanni aningaasarsiaqartugut, ilumoorpoq. Erseqqissarusupparpulli Air Greenlandimi ataannartumik ukiuni 17-ni sulisimagaanni aningaasarsiassat amerlanersaat 25.000 koruunit missaanniittut aatsaat anguneqarsinnaammata, ukiullu taakku sinnerneqarpata aningaasarsiat ilaqqinneqartaratik. Ajuusaarutigaarput issuarneqartoq paatsuilertitsinermik kinguneqartitsimmat, neriuutigaarpullu matumuuna nalunaarupput naqqiissuteqartitsissasoq. Isumaqarpugut pingaaruteqarluinnartoq paasissutissanik eqqortunik ulluni makkunani atukkatsinni nalunaaruteqartoqartassammat”.