Demokratit mittarfik pillugu innuttaasunik ataatsimeeqqusipput

Nuummi kommunalbestyrelsemi Demokratit ilaasortaasa partiitoqqat pingasuusut Siumut, Atassut aamma IA pasillerpai mittarfissualiassap pinnaassutigineqarnerani matooralutik politikkernerarlugit.

Partiit taakku pingasuusut Nuup Ikera ikaarlugu Akianut ikaartaasiinissamik siunnersuut malersoqqikkusuppaat, tamaani atlantikoq ikaarlugu timmisartuussinermi killeqanngitsuusaamik mittarfissualiortoqarsinnaanera ukiorpassuarni tulliuttuni suliffeqarfissualiortoqarsinnaanera illoqarfiullu ineriartortinneqarsinnaanera takorloorpaat.

Demokratit akerliupput siunnersuullu Kujammut sammisoq tapersersorlugu, Angisunnguiani atlantikoq ikaarlugu timmisartuussisarnermi mittarfissualiassaq inissillugu.

Demokratit peqatigitillugu ernummatigaat Akia-nik siunnersuutip Nuuk Nuup Ikera qitiliullugu marluinngorlugu avissagaa.

Nalunaarusiat marluusut kommunalbestyrelsemi amerlanerussuteqartut ikaartatilikkamik Akianik siunnersuummut aalajangerniarnerminnut tunngavigisimasaat innuttaasunik oqallitsitsinermi oqalliigitinneqanngisaannarsimavoq, taamaattumik Demokratit piumasaraat Nuummi atlantikoq ikaarlugu timmisartuussisarnermi mittarfissualiassap siunissami sumi inissinneqarsinnaanera pillugu innuttaasunik ataatsimiititsisoqartariaqartoq.

Amerlanerussuteqartut illuatungaatigut isumaqarput oqalunneq naammalersoq, iliuuseqartoqartariaqalersorlu.

Sermitsiami atuaruk.