Akianut ikaartaat

– Akianut ikaartaat minutsit arlaqanngitsunnguit qaangiuppata tikissaaq?

Siunissami takorluukkatut ippoq, taamaakkaluartoq Nuummi kommunalbestyrelsemi amerlanerussuteqarluartut takorluugaq malersoqqinniarpaat.

Nuummi mittarfissuartaarniarnermi aaqqiissutit pingasuupput:

? Kujataa-ni mittarfissualiorneq,

? Maannakkut mittarfeqarfiup allineqarnera

? Aammalu Akia-tigut aaqqiineq.

Kalaallit Nunaanni Namminersornerullutik Oqartussat maannakkut mittarfiup 2.200 meterinut taallineqarnissaa piumavaat, taamaattumik Nuup Kommuneata nammineq akilerlugu Nuuk Ikera ikaarlugu Akianut ikaartaasiisinnaaneq misissorsimavaa.

Suleqatigiissitaliap Nuup Ikeratigut ikaartaammik ikaartarfissatut arlalinnik siunnersuutitalimmik nalunaarusiorsimapput:

Nuummi ikaartarfiup talilttarfissaa Qasigiannguani sapernuimmi imaluunniit Nuup kujataatungaani qeqertaaqqani umiarsualivissuartaassami inissinneqarsimmaavoq.

Akiani talittarfissaq Nuup akerpiaani Qaqummi maluunniit ilorpasinnerulaartumi Maalutumi inissinneqarsinnaalluni.

Akiani talinnermiit tassanngaaniit mittarfittaarsuarmut aqquteqassaaq.

Qaqukkut aqqusinniassaq 20,1 kilometeriussaaq, Maalutukkoortoq 12,5 kilometeriussalluni.

Akiani mittarfik 3.000 meteriussaaq.

Suliarinera tamakkerlugu 1.162 aamma 1.519 millioner koruunit missaanni akeqassaaq.

Nuuk Ugeaviisimi atuaruk