Kalaallit Nunaata amigartoorutai amerliartorput
Niuernikkutoqimaaqatigiissaarinerup takutippaa 2007-imi kvartali siullermi siorna natsrosuutinut naleqqiullugu amigartoorutit amerlanerusut
Nunanit allanit nioqqutissanik tikisitsinerit ukiup qaammataani siullerni pingasuni 586 mio. kr. missaanniipput. Tamanna ukiunut kingullerpaanut sanilliullugu 100 mio. kr. sinnerlugit amerleriaataavoq. Nioqqutissat immikkoortukkaat assigiinngitsorpassuit qaffariaateqarsimapput.
Kalaallit Nunaata Naatsorsueqqissaartarfianit »Nunanut allanut niuerneq kvartali siulleq« takutippaa nioqqutissanik avammut tunisanit isertiotat tamarmiusut 2007-imi kvartali siullermi 425 mio. kr. missaanniissimasut. Siorna piffissap taamaalineranut sanilliullugu 50 mio. kr. sinnerlugit ikileriarsimallutik. Pinmgaartumik raajanik avammut nioqquteqarnermi isertitat apparsaataasimapput.
Kalaallit Nunaanni Naatsorsueqqissaartarfiup erseqqissarpaa nunanut allanut niuernermi kisitsisaatit qanoq ingerlanerat mianersortormik isiginiarneqassasut, ukiup qaammataanit suli amerlanerusunit takussutissataqalernissaata tungaanut.Kisitsisit pillugit nalornissutit maannakkorpiaq suli annertunerupput, tassa Danmarkimi Naatsorsueqqissaartarfiup Kalaallit Nunaanni avammut niuerneq pillugu nalunaarsueriaatsini allanngortittarmagu.