Illersornissamut ministeri Kangilinnguani tikeraartoq
Illersornissamut ministeri Søren Gade tuluit illersornissamut ministeriat Desmond Browne peqatigalugu piffissami aggustip 26-ianiit 29-ianut Kalaallit Nunaat tikeraarpaat.
Annonse
Ministerit taakku marluullutik Imarsiortunut sakkutooqarfik Kangilinnguit tikeraarpaat, tassanilu NATO-p oqaluuserisaani illersornissamut sillimanissamullu tunngasut ulluni makkunani pisut oqaluuserinissaanut periarfissaqarsimallutik, taakkununnga ilanngullugu Illersoqatigiit illersornissamut saakutuuinik nuussuisarnerit/ikioqatigiisinneqartarnerat.
Tikeraarnerup nunat taakku akornanni illersornissakkut qanimut suleqatigiinnerat naqissuserpaa, Desmond Browne-illu ilaatigut iluatsillugu tuluit illersornissakkut sakkutuuinut danskit qulimiguulinnik (qulimiguulik ”EH-101”) tapersiissuteqarsimanerat, Illersornissamut ministeriaqarfik tusagassiutinut nalunaarummi taamak allapput.