Ittoqqortoormiini ilinniartitsisut aallarartut

Ilinniartitsisut simasamat, taakkunannga ilinniarsimasut marluk oktoberimut atuarfik qimassavaat. Ilinniartitsisussanik nutaanik atorfinitsitsiniarnissaq ajornakusuussaaq.

Ittoqqortoormiini Ejnar Mikkelsenip Atuarfia ukioq atuarfiusoq nutaaq aallartiinartoq ilinniartitsisussarsiorpoq. Ilinniartitsisut sisamat, iliniartitsisut aappariit aamma iliniarsimasuusoq oktoberimut atuarfik qimassavaat. Sermitsiap paasisai naapertorlugit ilinniartitsisut ilinniarsimasut aappariit atuarfik qimanniarpaat atuarfimmi pisortaq naammaginagu. Atuarfiup pisortaanerata Peter von Staffeldtip Sermitsiaq.gl-imut uppernarsarpaa siliunnarneq inuttut atukkanut tunngassuteqartuusoq, nipangersimasussaatitaanerlu innersuussutigalugu allamik ilassutissaqarnani. Aamma taamaappoq kommunaldirektøri Otto Christensen.

Atuarfimmi pisortaq naapertorlugu maannakkorpiaq ilinniartitsisut 19-iupput, taakkunannga sisamat timelæreriullutik. Kisianni ajornartorsiut tamanna Tunumi illoqarfimmut nalornilartorsiorfiulerpoq. Minnerunngitsumik umiarsuit ukioq manna tikittussat kingullersaat sapatip akunnerata tulliani tikissammat. Taamaalilluni pequtit assartornissaat ukiumi nutaami aatsaat pisinnaalissallui. Taamaattumillu atorfininniarlutik qinnuteqarniartut ukiup ataatsip missaani utaqqiisaasumik ineqartinneqarnissartik ilimagisinnaavaat, tamannalumi qinnuteqarumaartussanut ernummataasinnaalluni.

– Piffissaq taamaaliffik pitsaanngilaq utaqqiisaagallartumillu ineqarallartitaanissaq pissutigalugu arlallit qinnuteqarnissartik nangaassutigilersimavaat, atuarfimmi pisortaaneq Peter von Staffeldt oqarpoq.

Taassuma ilisimatitsissutigaa ilinniartitsisut amigaatigineqalerneranni perorsaanikkut aaqqiinissat tassaasasut timelærerit nutsesrnerisigut, tamaalilluni taakku ilinniartitsissutit ajornannginnerusut pilersitsisinnaanermillu imallit tigusinnaalissagamikkit.

Powered by Labrador CMS