Alumiumut nalunaarusiamut oqaaseqaatit 75-inik quppernillit

Kalaallit Nunaanni aluminiuleriffeqalissappat avatangiisinut kinguneqaatissai innuttaasut apeqqutigaat.

Avatangiisinik Naliliinermut Nalunaarusiamut, Kalaallit Nunaanni aluminiumik aatsitsivimmik peqalissagaluarpat ilaatigut pinngortitami, peqqinnissami avatangiisinilu pissutsinik samminnittumut, Namminersornerullutik?Oqartussat oqaaseqaatinik 75-inik quppernilinnik katersisimapput.

Nalunaarusiaq siumut suliniuteqarnerup annertuup ilagaa, Namminersornerullutik? Oqartussat amerikarmiullu aluminiuleriffissuata Alcoap periarfissanik kinguneqaatissanillu qulaajaanerannut atatillugu.

– Allakkatigut oqaaseqaatit 20-it tigusimavagut, tamatumalu saniatigut innuttaasut Nuummi, Maniitsumi Sisimiunilu ataatsimiitinneqarnerannit allakkianik tigusisimalluta. Ataatsimiinnernilu tamakkunani ilaatigut soqutigineqarsimapput nunamut nunarsuarmullu tamarmut kinguneqaatissat, aluminiuleriffik sananeqassagaluarpat, Avatangiisinut Pinngortitamullu Pisortaqarfimmi, avatangiisinik naliliinermut atatillugu suliamik siuttuusimasumi, allaffimmi pisortaq Klaus Georg Hansen paasissutissiivoq. Tusarniaanermi akissutit suli tamanut saqqummiunneqanngillat tusarniaanermut killissarititap januarip 15-ianni naanerata kingorna.

Sermitsiaq atuaruk.

Powered by Labrador CMS