Filmi paquminarunnaartitsisoq

»Kiinaq isertuussalik« meeqqat kinguaassiutaannik atornerluinnermik takutitsivoq

Filmi nutaaq ilinniutissiaq ”Kiinaq isertuussalik” nunatsinni paquminartumik qularinninniartuuvoq: Meeqqat kinguaassiutaannik atornerluisarneq.

Filmi marlunnik pingaarnerutitatut inuttaqarpoq aappaa kalaaliuvoq 40-it missaanni ukiulik, meeraatilluni kinguuassiutimigut atornerlunneqartarsimasoq, aappaa psykologi Conni Gregersen. Taanna meeqqap atornerlunneqarsimasup eqqarsartaatsimigut pisusserisartagaanik nassuiaassivoq.

Filmi meeqqanik sulialinnut, ilinniarfinnut, soorlu ilinniartitsisunngorniarfimmut, politiinngorniarfimmut, peqqissaasunut inunnillu isumaginnittunut sammititaavoq.

Filmi ”Kiinaq isertuussalik” Paarisami pisiarineqarsinnaavoq.

Filmi taassumalu nassuiaatissartaa 250 koruuninik akeqarpoq, kontokkut akiliilluni pineqarsinnaalluni.

Meeraatilluni kinguaassiutitigut atornerlunneqartarneq pillugu filmip tunineqarnerata isertissutai filmiliassamut tullermut aningaasaliissutaassapput. Meeraatilluni atornerlunneqarsimasup inersimasunngornermini atugai pillugit filmliaassalluni.

Filmi Kristen Hauksdottir-imit ilitsersuiffigineqarpoq Ruth Montgomery-Andersen filmiliortuulluni.

Powered by Labrador CMS