Timmisartorsuaq Danmarkiliartussaq sila pissutigalugu kinguartinneqarpoq

GL 872 tallimanngornermi Kangerlussuarmit Københavnimukartussaq sinerissami silarlunnera pissutigalugu arfininngornermut kinguartinneqarpoq

Silaannakkut angallanneq ullumi tallimanngornermi anorersuarmik kinguarsarneqarpoq. Kangerlussuarmut Kangerlussuarmiillu illoqarfiillu akornanni timmisartuussinissat pisinnaasimanngillat, Air Greenland ilisimatitsivoq.

Air Greenlandip naatsorsuutigaa Kangerlussuarmut timmisartuussinissat ualimut unnukkiartorneranilu pisinnaajumaartut, atlantiku qulaallugu timmisartumut arfininngornermi ilaaniartut timmisartuussinnaasallugit Danmarkimiillu tikereersimasut illoqarfinnut aamma timmisartuussinnaassallugit.

Atlantiku qulaallugu timmisartoq GL 782 maannakkut Kangerlussuarmiittoq aqagu arfininngornermi nal. 10 aallassaaq.

Air Greenland ilaaniarlutik utaqqisunut kajumissaarivoq www.airgreenland.gl. malinnaavigeqqullugu.

Powered by Labrador CMS