Kalaallit Nunaat USA-mi nittarsaanneqassaaq
Naalakkersuisut isumaqatigiinniarfigaat nittarsaassinernik suliaqartarfik Amerikkamiittoq, taassuma suliarissavaa Kalaallit Nunaata USA-mi nittarsaanneqarnissaa ilisimaneqarnerulernissaalu. Suliffeqarfik Kalaallit Nunaata nittarsaanneqarnissaa pillugu periusissanik siunnersuusiortinneqassaaq.
Annonce
Kalaallit Nunaata amerikkami ilisimaneqarnerulernissaa annerulersinniarlugu Branding Grønlandip suleqatigilissavaa M Booth & Associates, INC. Kalaallit Nunaata nioqqutissaataasalu USA-mi nittarsaannerisigut. Ilimagineqarpoq suleqatigiilernissaq naqissuserneqarumaartoq isumaqatigiissummik atsioqatigiinnikkut tallimanngornermi, M Booth & Associated, INC. peqatigalugu Nuummi.
Kalaallit Nunaata USA-mi nittarsaanneqarnissaanut atatillugu atugassanik suliffeqarfimmeersut ulluni makkunani nunarput, nioqqutissaativut kultoorerpullu pillugit paasissutissanik katersisut Tusagassiivik ilisimatitsivoq.