Nuummiut ilinniartut kollegiassaaleqisut

Nuup Kommuneata nuummiunut ilinniartunut kollegiaatai ikimmata ilinniartut inissaaleqisut 44-t eqqugaapput. Ilai angerlarsimaffeerutiivissimasut.

Nuummiut kollegiaataanut Marlulissanut utaqqisut 44-put. Taakkunannga 22-it piaartumik kollegiamik tunineqarnissaminnik pisariaqartitsisut. Ilinniartut angajoqqaaminniit anisitaasimallutik imaluunniit allatigut ajornartorsiuteqarlutik inigisaminninngaanniit anisariaqalersimasut.

- Ilungersukkunnartaqaat ilaat angerlarsimaffeerutiivissimallutik takkuttaramik, soorlu avissimallutik anisariaqalernerminni, ilaallu ilaqutariinni ineqatigeeqqissinnaajunnaarnermi inissaaruttunik ilaqartarlutik, Nuup Kommuneani sunngiffimmi sammisassaqartitsinermi pisortaq Jørgen M. Benjaminsen oqarpoq.

Illoqarfitsik qimannagu ilinniartut kollegiassaqartinissaat Namminersornerullutik Oqartussat kommuninut akisussaaffigitippaa.

Tamanna isumaqarpoq nuummiut ilinniartut nuummi kollegiassaqartinnissaat Nuup Kommuneata akisussaaffigigaa. Nuummiut Nuummi ilinniarniartut sivisuumik kollegiami initaarnissaminnik utaqqisariaqartarput.

Nuummiut kollegiaataannut Marlulissanut nuunniarluni sivisunerpaamik utaqqinikoq 2003-mili utaqqisuni allattorsimaffimmi allaqqalerpoq.

Sermitsiaq atuaruk...

Powered by Labrador CMS