Ilinniartitsisut angutit amigaataapput
Kalaalit atuarfiini ilinniartitsisut arrnat amerlanerussuteqarput.
Kangillinnguit Atuarfianni qanittukkut ilinniartitsisut nutaat 12-it atorfinitsinneqartut akornanni angutit marluinnaapput.
Ukaliusamissaaq tamannattaaq nalinginnaasuuvoq, tassanimi ilinniartitsisut tallimararterutaanaat angutaapput.
- Arnat ilinniartitsisunngorusuttartut ilinniartitsisunngortullu amerlanerujuaannarsimapput, Anne Larsen, Nuummi meeqqanut kulturimullu immikkoortortami atuarfinnut pisortaanerusoq oqarpoq.
Inulerinermut tunngasut soqutigivallaarnagit teknikkimut tunngasunik ilinniagaqarnissaq angutit qinertarpaat.
Anne Larsenip nalilerpaa ilinniartitsisunngorniarnerup qanoq imaqarnera – soorlu perorsaanermut inuttullu ineriartornermut tunngasuunera – nittarsaalluarneqarnerusimasinnaagaluartoq.
Erseqqissarpaali meeqqat atuarfiini ilinniartitsisussarsiornermi angutinik qinnuteqartoqarsinnaanera pingaartinneqartartoq, qinnuteqartussammi angutaanissaa arnaanissaaluunniit piumasaqaataaneq ajorpoq.
Arnaannangajannik ilinniartitsisoqaraluartoq arnaaneq angutaanerluunniit atuartitsinerup nalaani apeqqutaatinneqarneq ajortut, Anne Larsen oqarpoq.
- Niviarsiaqqanut tunngasuinnaat sammineqarneq ajorput, nukappiaqqanulli tunngasunik aamma sammisaqartarneq pingaartinneqarpoq, Nuummi atuarfeqarnermut pisortaq erseqqissaavoq.