Ilulissani ilaqutariinnut sullissivittaaq
Sumiginnaasarneq akiorniarlugu Ilulissat Kommunea ulluunerani ilaqutariinnik sullissivimmik ammaavoq.
Annonse
Ilaqutariit pisariaqartitsisut ulluunerani ilaqutariinnik sullissivimmi atuartinneqartassapput. Pikkorissarnermi atuartitsissutigineqartassallutik perorsaaneq, angajoqqaatut akisussaaffiit, ilaqutariissuseq, akisussaaqataanerlu suunersut ammineqartassallutik.
-Ukiuni kingullerni inersimasut meeqqanik suminginnaasarnet takussaajartorluni annertusiartuinnarmat, inunnik isumaginnittoqarfimmullu aningaasartuutaasartut annertusiartuinnarmata Ilulissat Kommuneanni inersimasut meeqqanik suminginnaasarnerat annikillisarniarlugu suliniuteqarniarpugut, Pitsaaliuinermi Siunnersorti Helga Nielsen oqarpoq
Ilaqutariinnik sullissivimmi pikkorissartussat siulliit 26-upput, pilersaarutaavorlu pikkorissartut sapaatip akunneri pingasut pikkorissassasut.