Skype attaveeruppoq
Internetsikkoorluni telefuunikkut oqaloqateqartitsisinnaasoq Skype programmimigut maannakkorpiaq akornuteqarpoq. Skype ataatsikkut 6 millionit sullissinnaasarpai 366.000-tiinnaalli maannakkut sullikkai, Politiken allappoq.
Annonse
Skypep teknikeri nunatta nalunaaqutaa naapertorlugu nal. 13.02 nalunaarput Skypemik atuisut 366.000-usut. Naliginnaasumik Skypep ataatsikkut 6 millioninik sullitaqartaraluarpoq.
Atuisut attaveqarsinnaannginnerarlutik ullaaq naammagittaaliulerput, taassumalli kingorna atusinnaasut ikiliartuinnaavipput.
Skypep teknikeriisa ajoqutaasoq paasinerarpaat, softwareprogram ajortissimanerarlugu. Nalunaarutigaat akunnerit 12-it 24-llu akornanni ajoqutaasoq iluarsiniassallugu, taamaattoq iluarsiisoqanngitsoq atuisut ikiliartuinnaavipput.
Skypepip downloadertarfianik atuiniartunut nutaanut akeqanngitsumik telefuunerniartunut attavik aamma atorsinnaajunnaaqqasoq nalunaarutigineqarpoq.