Atuartut kaatsitaasut
Atuartut tamarmik atuarfimmi nerisassaqartinnissaannik aqqissuussinermik naalakkersuisut pingaartitarujussuanni nerisassanut peqqinnartunut illinnartunullu ullormut 3,47 koruunit atugassanngortinneqarput
– Paarnanik nutaanik kalaaliminernillu qanoq annertutigisunik 3,47 koruuninut pisisoqarsinnaava?
Annertugunanngeqaaq, aningaaalli taakkorpiaat naalakkersuisut nunatsinni atuartunut atugassaritilerpaat.
Atuartut nerisaqartinnissaat ukiuni kingullerni qineqqusaarutaalluartarsimavoq, maannalu aallartissaagut, ilinniagaqarnermut naalakkersuisoq Tommy Marø, Siumut, neriorsuivoq.
Naalakkersuisut 2008-mut aningaasanut inatsisissatut siunnersuumminni nunami meeqqat atuarfiini atuartut nerisassaannut ukiumut 6 1/2 millioner koruunit immikkoortissimavaat.
Ukiup 2007-ip affaa ingerlareermat ukioq manna atuartut nerisassaannut taamaallaat 3,3 millioner koruunit immikkoortinneqarsimapput.
Kalaallit Nunaanni atuartut tamarmik naalakkersuisut akiligaannik nerisassaqassappata atuartumut ataatsimut atugassat 3,47 koruuniupput.
– Nerisassanulli aamma ilaassaq nerisassanut siunnersuutit qulit, Nerisassanik Siunnersuisartut suliarisimasaat, Tommy Marø oqarpoq.
Tallimanngornermi aviisimi atuarnerugit