Ininik tuniniaaneq iluatsinngitsoq
Attartornermit piginnittuulernermut aaqqissuussineq inatsisartut ukiaru ataatsimiilerpata Naalakkersuisunit allanngortinniarneqarpoq.
Ineqarnermut Naalakkersuisup Kim Kielsenip, Siumut, ininik pisortat attartortitaaganni najugallit piginnittuulernissaasa periarfissaannik inatsisartut ukiuaru ataatsimiilerpata saqqummiussaqarniarpoq. Attartornermit piginnittuulernermut siunnersuutigineqartussaq maaannakkut periarfissaareersumit piginnittuulerusuttunut ajornanngnninngussaaq.
Kim Kielsen naapertorlugu inissiat pisortanit attartortittagarineqartut sumiinnerat piumaneqarnerallu naapertorlugu tuniniarneqartalissapput maannakkut pisoqaassusii teknikikkullu inissisimanerat tunngavigalugu tuniniarneqarunnaartassallutik. Inissiat ilaat aneerasaartarfilik, altaniliik, assigiinngitsunik akeqartinneqartalissaaq, inissiaq taamaaqqissaartoq Nuummiippat illoqarfinniluunniit allamiippat akia assigiinngissuteqartalissalluni.
Ineqarnermut pisortaqarfimmi pisortaq Olafur P. Nielsen Sermitsiamut oqarpoq inissiat sumiinnerat piumaneqarnerallu naapertorlugu tuniniaasarnissaq pitsaaqquteqartoq:
Illup Qaanaamiittup pisoqaassusia teknikkullu iluarsagassartai tunngavigalugu tunineqartussaq immaqa 600.000 koruneqartinneqassaaq, sumiinnera piumaneqarneralu naapertorlugu tuniniarneqarpat 85.000 koruneqartinneqassalluni. Nuummi illoqarfinnilu allani inissiap pisoqaassusia teknikkikkullu iluarsagassartai tunngavigalugit tunisineq illup sumiinneranit piumaneqarneranillu tunisinermit akikinnerusarpoq. Taamaamaat illoqarfinni angisuuni najugaallit nunaqarfimmiunit avinngarusumasunilu najugalinnit pilluteqarnerusariaqassasut, Olafur P. Nielsen oqarpoq, nangillunilu:
– Iggiaani angallatit milliunip affaanik milliunillu angullugit akillit qissimakkaanni, soorluuna Nuuk inissaaleqqiffiuvallaanngitsoq.
Sermitsiami nanginnera atuarsinnaavat: