Nuummi atuarfik nerisarfittaarpoq
Nuuk atuarfinni nerisitsisarnissamik Naalakkersuisut aaqqissuussinerannut peqataavoq, namminersuuteqarporli.
Nuup Kommunea nammineerluni atuarfinni nerisitsisarnissamik aaqqissuussaqarpoq, naak kommune Narsatut, Sisimiutut Ammasalittullu Namminersornerullutik Oqartussanit atuarfimmi nerisitsisarnissamik aningaasaliiffigineqaraluartoq.
Nuup Kommunea atuarfimmi misileraalluni nerisitsisarnissamik atuarfimmi Ukaliusami aaqqissuussaqarpoq, atuarfiup festsalia nerisarfittut aaqqissuunneqarluni.
– Angajoqqaat amerlaqisut atuartuutitik peqqinnartunik assigiaanngitsunillu nerisaqartinnissaannut akileerusullutik nalunaartareerput, taamaammat Ukaliusami akiliuteqarluni nerisarfissaq periareersarneqarpoq, kommunep atuarfeqarneq pillugu pisortaa Anne Larsen Sermitsiamut oqarpoq.
Ukaliusami misileraalluni nerisitsisarnissaq naalakkersuisulli atuarfinni nerisaqartitsilernissamut suli aningaasaliinngitsut piareersarneqalereerpoq.
Nuuk kingusinnerusukkut aningaasaliiffigineqarnissaminik qinnuteqarpoq, aningaasaliiffigineqarlunilu.
– USK-mi nerisarfissamik aaqqissuussineq 1.-3. klassinut nerisitsisarnissamut aamma aaqqissuussineruvoq atuartut minnerit peqqissunik nerisaqartitaasarnissaat qulakkeerumallugu, Anne Larsen oqarpoq.
Ilaa Sermitsiami atuaruk.