Sebulon Poulsen sølvinnappoq

Ajoqi soraarneq Sebulon Poulsen Narsameersoq ulloq Inatsisartut nersornaataannik sølviusumik 19. juuli tunineqarpoq.

Qaqortup katersortarfiani nalliuttorsiualaarnermi nersornaat Jonathan Motzfeldtimit tunniunneqarpoq.

Sebulon Poulsen inuunini tamaat siullermik ilagiit sullinneqarneranni ikiortitut kingornalu ajoqitut ilinniarsimasutut annertuumik suliaqarsimasoq Jonathan Motzfeldt oqalugiaammini erseqqissaavoq. Soraarninngoreernermini allaat Sebulon Poulsen qasusuilluni ilaagiinnik sullisseqqippoq, pisariaqaleraangallu piumassuseqarluarluni ikiuuttarluni.

1950-ip aallartisimanerani ”Hvide Kors” tunngavilerneqarneranit Sebulon Poulsen aammattaaq peqatigiimmi annertuumik akuusimavoq.

Powered by Labrador CMS