Brugsenip kalaallit naatsiiaataat tuniniarniarpai

– Naatsiiat pillugit nutaamik isumaqatigiissusiortoqareerneratigut pisiniarnermut pisortat kalaallit naatsiiaataat peqqinnarnerpaanerarpai, taamatut knr.gl allappoq

Brugsen aamma savaatillit naatsiiat pillugit nutaamik isumaqatigiissusiorput. Isumaqatigiissutip atsiorneqarnissaa maannakkut taamaallaat amigaataavoq aammalu isumaqatigiissut Brugsenip kalaallit tunisassiaataanik tapersersuinerani periutsinut ilaasoq knr.gl allappoq

– Uagut isumaqarpugut kalaallit naatsiiaataat peqqinnarnerpaajusut, Brugsenimi pisiniarnermut pisortaq Finn Christensen oqarpoq.

Taassumalli KNR-imut isumaqatigiissut qanoq akeqarsimanersoq oqaaseqarfigiumanngilaa, taannali oqarpoq naatsiiat atuisartunut akit “eqqortut” atorlugit Brugsenip tuniniarniarai.

Powered by Labrador CMS