Narsap svenskit kunngiat nerersuartippaa
Svenskit kunngikkormiuisa ilisimatuussutsikkut ataatsimiititaliaat, ulluni makkunani Narsami ataatsimiittoq Narsap kommuniata sisamanngormat nerersuartippaa.
Annonse
Nerersuarneq ingerlanneqarpoq Narsap kommuniata kulturikkut avatangiisinullu illuani A-21-ni. Nerivimmi kusassaatit nerisassallu INUILI-mi suliarineqarsimapput, illoqarfimmilu piginnaanillit aliikkusersuisuupput, katersugaasiviup pisortaa Rie Oldenburg oqaluttuarpoq.
Ammooraq Egede angummi Jakob II Egedep Igalikumeersup Henrik Lundillu
taalliaannik erinniaannillu atuilluni nerinerup nalaani aliikkusersuivoq.
Nukatap (Karoline) Kristiansenip kalattoortartui illup silataani kalattoorlutik takutitsipput. Finn Lynge A-21-ip oqaluttuassartaa, maannakkut atorneqarnera siunissamilu neriuutigisat oqaluttuarai. Ullorlu naggaserlugu erinarsoqatigiit Nangaasut tusarnaartitsipput.