Kujataa UNESCO-p allattorsimaffianut ilanngunneqassaaq
Ilulissat Kangerluat nunarsuarmi kulturikkkut pinngortitamilu eriaginarnerpaat allattorrsimaffiannut ilanngunneqarnikuuvoq. Kujataanili sumiiffiup ilaa naalakkersuisut UNESCO-p Silarsuup KIngornussassaatut Allattorsimaffiannut ilanngutsikkusuppaat, taamatut allappoq Jyllandsposten.
Narsap Qaqortullu akornanni nunap ilaata allattorsimaffimmut ilanngunneqarnissaa Kujataani oqartussaasunit attuumassuteqartunit tamakkiisumik tapersersorneqarpoq, tamanna tusarniaanermi naammassineqaqqammersumi takuneqarsinnaavoq. Tamanna tunuliaqutaralugu Naalakkersuisut aalajangerput suliniut immikkoortup tullianut ingerlateqqinniarlugu, tassalu UNESCO-mi allattorsimaffimmut ilanngunneqarnissaanut inassuteqaatinik suliarinninnissaq.
Nunarsuarmiunut kingornussassatut piukkunneqartoq tassaavoq Narsap Qaqortullu kommuuniini nunap nunalerisoqarfiup ilamernga, kulturip nunaatut piukkunniarneqartoq, oqaluttuamik "Issittumi ukiuni 1000-ini Nunaatillit kulturiat"-nik oqaluttuartoq.
Tamanna toqqarneqarsimavoq pissutigalugu ukiut 600-t sinnerlugit tamaani nunaatillit kulturiannut ingerlalluartumut tunngaviusimammat, nunanut tamalaanut attaveqarfiulluni, tassa Amerikap Avannaanut, Nunanut Avannarlernut Europamullu.