Suliffitsialassarsiorneq aallartippoq
Sulitilluni ajutoortarneq tarnikkullu atukkat suliffitsialassarsiornermi immikkut isiginiarneqassapput.
Sulitilluni ajutoortarnerit annertuut ikilisariaqarput. Taamatut siunertaqarneq tunngavigalugu Suliffigissaasut ukioq manna ”Suliffitsialammik” toqqaanissamut unammisitsinialerput.
Sulliviup isumannaatsuunissaanut allaanerusumik pissanganartumilluunniit periuseqalersitsinissaq anguniarlugu ileqqut isummersuutillu sammineqalernissaat Suliffigissaasunit kissaatigivarput. Taamaattumik ukioq manna ”Suliffitsialak” toqqarneqartussaq isumannaallisaanerup iluani immikkut iliuuseqarsimasuussasoq Suliffigissasut nalunaarput.
Anguniagaqarfiusoq alla tassaavoq suliffimmi tarnikkut atukkat sammineqarnerulernissaat. Suliffigissaasut kissaatigaat inuit sullivimminni ilungersunartumik peqqiilliulersartut ikilisinneqarnissaat. Taamaattumik pingaartuuvoq pitsaaliuinissaq sullivimmilu iliuutsit pitsaasut saqqumilaarnerulersinnissaat. Tamanna tunuliaqutaralugu Suliffigissaasut kissaatigaat sullivik nersornaasigassaq alla tassaassasoq sullivimmi tarnikkut atukkakkanut malunniuttumik suliniuteqarsimasoq.