Reykjafoss Narsamut apuutinngitsoorpoq
Reykjafoss usit USA-miit Canadamiillu nassatat Reykjavikimut nassaannalerpai, Naja Arcticallu juulip 8-anni usit nunatsinnukartut aajumaarai, Royat Arctic nalunaarpoq.
Annonse
Umiarsuaq assartuut Reykjafoss juulip 1-anni usit USA-miit Canadamiillu nassarlugit Narsamut apuuttussaagaluarpoq. Reykjafossimi naalagaq arlaleriarluni misiliilluni Narsamut apuunniarsimagaluarpoq, kangerlummili sikoqarpallaaqimmat taamaatiinnartariaqarsimavaa.
Reykjafoss Reykjavikimut usingiariartuinnarpoq, Naja Arcticallu angalanermi usit Reykjavikkimiittut aaniarpai.