Aningaasanik tigusiniarneq ajornakusoortoq
KNI-p aningaasanik tigusiniarneq ajornarnerulersippaa.
Kalaallit Nunaanni takornariat amerliartuinnartillugit nunaqarfinni isorliunerusunilu, Namminersornerullutik?Oqartussat KNI A/S-illu kiffartuussinissamik isumaqatigiissutaannik attorneqartuni, aningaasanik tigusinissamut pissutsit nutaarluinnaat pilersimapput.
– Ataavartumik aaqqiissutissamik nassaartoqarnissaata tungaanut Ittoqqortoormiini Pilersuisoq aaqqiissutaagallartumik atuisitsilersimavoq, illoqarfimmi ingerlatsinermut pisortaq Poul Piilmann Nielsen oqarpoq.
Pisiniarfinni pisiniat nunat allamiut kreditkortiannik pillit nioqqutissanik akissaanut pisisinnaapput, Visa/Dankortimillu pillit saniatigut killilimmik aningaasanik tigusisinnaallutik.
Atuisartut Grønlandsbankip Visa/Dankortianik aammalu Akiliutaanik pillit aningaaserivimmi akeqanngitsumik aningaasanik tigusisinnaapput, kortit tigutsisit allat tamarmik atoraanni tigusat 5 procentiannik akiliisassasut.
Aningaasanik tigusinermi malittarisassanik KNI-p sakkortusisitsinera Ittoqqortoormiini angalatitsivimmi Nanu Travelimeersup Martin Munckip isornartoqartippaa.
– Tamatumuunakkut ulluinnarni atukkavut erloqinarnerulerput, uagutsinnut ulluinnarni Ittoqqortoormiini najugalinnut, aammalu takornarianut Tunumut tikeraartunut.
Taama ittoqaleranut pissutaavoq tuluit filmiliortartut upernaaq tappavaniillutik 206.000 kr.-nik tigusisimammata, gebyritaalu (akitsuutitaalu) 9.722 kr-iusoq Pilersuisup akilertariaqarsimallugu.
KNI-p aaqqissuussineq kreditkortilinnut tamanut naammaginarnerusoq nassaariniarlugu sulissutiginnippoq.
Sermitsiami atuaruk....