Aalisartut suli aalisarnermut inatsisissaq akerleraat
Aalisarnermut inatsisissatut nutaatut naalakkersuisut siunnersuutaat Aalisarneq pillugu Siunnersuisoqatigiit isornartorsiortuarsinnarpaat. Aalisartut kommissioniliortoqarnissaanik siunnersuuteqarput.
Naalakkersuisut aalisarnermut inatsisissatut siunnersuutaat Aalisarneq pillugu Siunnersuisoqatigiinni illuatungeriinnit akerlerineqartuarsinnarpoq. Naak inatsisissamut siunnersuut ukiuni arlalinni suliarineqarsimagaluartoq taamaattoq Aalisarneq pillugu Siunnersuisoqatigiit siunnersuut nutaaq nukingiussaanerarlugu mianersoqqusipput. Tamanna Aalisarneq pillugu Siunnersuisoqatigiit naalakkersuisuni ilaasortamut Finn Karlsenimut allagaanni takuneqarsinnaavoq.
Naalakkersuisut inatsisissamut siunnersuut ukiaru oqaluuseritinniarlugulu 2008-mi januarip aallaqqaataani atulersinniarpaat. Aalisarnerli pillugu Siunnersuisoqatigiit inatsisartut ataatsimiinnerini marlunni suliarinnittoqarnissaa pitsaanerutippaat. Aalisarnerlu pillugu Siunnersuisoqatigiit aamma aalisarnerup siunissaa pillugu oqaluuserinnittussamik aalisarnermut kommissioniliortoqarnissaa siunnersuutigaat. Siunnersuisoqatigiillu kommissioni Inatsisartut kissaatigisaannut naapertuuttuussanerarpaat.