'Naja Arctica' Narsamut apuunneq ajulerpoq
Narsaq aasaq manna pingajussaa piffissaq eqqorlugu pajunneqanngitsoorpoq.
Royal Arctic Line A/S-imi umiarsuit angalanissaat pillugit pilersaarusiortoq Jens-Ole Nielsen ima ilisimatitsivoq: - 'Naja Arctica' Narsamukarniaraluarpoq, kisianni sikorsuit pissutigalugit Narsamukarnissaraluani taamaatiinnartariaqarsimavaa, maannalu Nuuk tungaanut ingerlaarpoq. Sikorsuit nunamiit sømilit 25-it tikillugit avasissuseqarput, Naja Arcticalu taakkua aqqutigalugit ingerlasinnaanngilaq.
- Tassa Narsaq aasaq manna pingajussaa piffissaq eqqorlugu pujunneqanngitsoorpoq. Sikorsuit assinga ilanngussaq takujuk.
- Narsamut usit 'Irena Arctica'-mut ilaallutik Narsamukaanneqassapput, taannalu Nuummiit tallimanngornermi julip 13-ani aallassaaq. Sullitatsinnut kiffartuussivimmi sulisut maanna sullitavut sianerfigiortorpai, pisoq ajuusaarnartoq pillugu ilisimatitsillutik, umiarsuit pillugit pilersaarusiortoq Jens-Ole Nielsen naggasiivoq.
Annertunerumik paasisaqarusukkuit illoqarfigisanni umiarsualivik paasiniaaffigisinnaavat.