Aningaasanoorutit killilerpaat

Nuummi automatit aningaasanoorutit 100-nut killilerneqarput. Suli 32-nik ikkussisoqarsinnaavoq.

1. julimi spilleautomatinut malittarisassat nutaat atuutilerput.

Malittarisassat nutaat ilusilersorneqarsimapput Nuup Kommuneata sulisitsisullu kattuffiisa pingasut GA-p, ILIK-ip NUSUKA-llu qanimut suleqatigiinnerisigut, sulisitsisut kattuffiisa pineqartut ilaasortaat spilleautomatinik pølsevogninut, grillbarinut, cafeterianut, neriniartarfinnut umiarsuarnullu inissiisartuummata.

Malittarisassat nutaat kingunerisaannik Nuummi spilleautomatit amerlanerpaamik 100-uussapput - 90-it nunami qulillu sinersorluni ilaasartaatini Nuummi angerlarsimaffeqartutut nalunaarsortissimasuni.

Ullumikkut nunami spilleautomatit 63-iupput umiarsuarnilu tallimaallutik.

?Spilleautomatit marluk inissinneqarfissaat minnerpaamik 6 kvadratmeterinik annertussuseqassapput - tassa aningaasannorumatuunut marlunnut inissallit. Kvadratmeterillu inissiiffissat annertusiartortillugit spilleautomatit amerliartussapput. Amerlanerpaanik spilleautomatinik inissiiffissaq 101 kvadratmeteriussaaq, spilleautomatinut arfineq-pingasunut inissalik.

Qularutissaanngilaq spilleautomatit inuussutissarsiortunut landskarsimullu aningaasarsiutaalluartorujussuusut. Niuertut isertuussipput, iluanaarutilli millionilikkaajupput, millionerpassuit. Landskarsi spilleautomatinut ukiumoortumik akitsuuteqartitsisarpoq.

Kalaallit Nunaanni spilleautomatit 175-iupput, landskarsilu ukioq manna automatinut akitsuutitigut 11,4 millioner koruuninik isertitaqassaaq.

Powered by Labrador CMS